Tula♡

paALAM

(Queen ft. Lies)

Paano ba malalaman na mali?

Lagi kasi naman yung nasa huli 

Yung dati nating away-bati 

Sa hirap at sakit nauwi. 

Mahirap na may iba na siya 

Mas mahirap na sila na ang magkasama 

Masakit na hindi na niya ako nakikita 

Mas masakit na yung dating kami ay wala na. 

Wag ko na daw ipagpatuloy pa 

Kasi oo, masasaktan lang ako 

Edi sana di ko na lang sinimulan pa 

Kung alam kong masasaktan lang din ako.

Wala na akong magawa kundi ang umiwas 

At baka hindi ko mapigilan luha ay bigla na lang lumabas 

Sa sakit ng damdamin ay makikitang hindi ako malakas

Dahil bumabalik at naaalala mga ala-ala ng ating nakalipas. 

Simula nung nalaman kong masaya na siya sa iba 

Sumuko na ako at wala nang nagawa pa 

Alam ko namang wala nang pag-asa 

Hanggang dun na lang, at ngayon ay aking kinakaya.

Sa una lang pala masaya, dating pagsasamang puno ng ligaya

Akala ko hanggang sa huli, tayo lang at walang iba

Ngunit ng may dumating, nagbago ka ng bigla

Kay sakit umasa ngayong mas masaya ka na.

Ano nga bang nagawa? 

Bakit bigla ka na lang kumawala

Tiwala ba ay nawala

Dahil sa pagkakamaling nagawa.

Di maisip ang dahilan

Di mawala sa isipan

Bakit tayo pinaglaruan

Ng masaklap na kapalaran

Di na umaaasang babalik ka pa

Lalo na ngayong sa puso mo'y may kapalit na

Ang sakit ngayong nagbago na

Turingan at tiwala natin sa isat isa.

Sumuko na ako, dahil di ko na kinaya. 

Ayoko na, wala ng pag asa.

Kaya sa iyoy magpapaalam na

Paalam na, sana'y maging maligaya ka.

@queenlies13