Tula♡

Nagbabakasakali

Ilang araw at gabi nang tumutulo ang mga luha

Mga luha na kusang lumalabas mula sa mga mata

Mga matang laging nakasilip sa isang bintana

Isang bintana kung saan laging hinihintay ka.

Hinihintay ka at umaasa sa konting pag-asa

Konting pag-asa para tayo ay muling magkita

Muling magkita at sa akin ay sasabihin na

Sasabihin na ikaw ay di na muling lilisan pa.

Tayo ay muling babalik sa piling ng bawat isa 

Bawat isa nang minsang tayo'y naging isa

Naging isa para mabuo ang lahat ng mga alaala

Alaala na ikaw at ako ang lumikha at gumawa 

Gumawa ng isang pangako na sa puso'y itinaga 

Itinaga kaya nagbabakasakaling darating ka

Darating ka na puno ng galak ang iyong mukha

Ang iyong mukha na bitbit ay ngiting masaya.

Ngiting masaya katulad ng huling pagkikita

Huling pagkikita noong tayong dalawa pa.