Tula♡

IASA SA TADHANA

Damdaming hindi na namalayan

Damdaming hindi ko inaasahan

Pag-ibig na hindi hinayaan

Pag-ibig na isang kasalanan.

Hindi pa man naging tayo

Pero kailangan na ng hiwalayan

May pag-asa bang maging ikaw at ako?

O iasa na lang sa tadhana ng kinabukasan?

May pag-asa pa ba?

Maghihintay ka pa ba?

Kaya mo pa bang umasa?

Kaya mo bang maghintay pa?

Kung sakaling may natitirang pag-asa pa

Kung sakaling tayo'y muling pagtagpuin ng tadhana

Kung ako at ikaw ay malaya pa

Mamahalin kita ng tama, kung pwede pa.

Sa pag-ibig na walang kasiguraduhan

O sa pag-ibig na labis na tinututulan

Isip ay labis na naguguluhan

Puso ay lubhang nahihirapan. 

Patawarin sana ako sa mga darating na panahon

Pasensya sa mga bagay na unti-unting magbabago

Sayo ko na lamang ibibigay ang desisyon

Patuloy bang maghihintay o puputulin na ang pangako.

Sa aking biglaang paglisan

Walang kasiguraduhan ang pagbalik

Hinding-hindi kita makakalimutan

Kailangan ko lang mag-isip at tumahimik.

Huwag mo sanang pigilan ang iyong damdamin

Hayaan mo ang sarili kung mapapamahal sa iba

Ito ay aking buong-pusong tatanggapin

Dahil tadhana lamang ang makapagtatama sa mali ng tadhana.

Pwede rin naman na muli nating simulan

Kung sakaling muling mapagbibigyan

Hindi na para magdahan-dahan

Maaaring pwedeng nang totoong magmahalan.

Siguro hindi pa tama ang panahon

Siguro hindi ito gusto ng Panginoon

Siguro kailangan muna dumistansya

Siguro kailangan na lumayo muna.

Ito ay isang matinding rebelasyon 

Dahil ako ay mawawala at magpapaalam muna

Salamat sa isang totoo at mabuting relasyon

Ang saya at sakit ay iiwanan na muna sa mga ala-ala.