Tula♡

May Sasabihin Ako

Paano ba tapusin ang isang relasyon?

Sa problemang kailangan ng desisyon

Mahirap, malungkot, at masakit na mga reaksyon

Hindi ko pa alam ang solusyon.

Ayoko ng magkaroon ng kaibigan

Dati na kasi akong nasaktan

Pero nakilala ko ikaw at ang matalik mong kaibigan

Ako'y namangha sa inyong pagtuturingan. 

Masaya akong kayo ay nakilala

At ikaw ang una kong mas nakasama

Ako ay naging bukas sayo sa aking mga problema

Takot man ako pero nakita kong ikaw ay kakaiba.

Ang magkaroon ng kaibigan

Yan ang aking muling sinubukan

Ako man ay kinakabahan

Tayo'y naging magkakaibigan.

Lumipas ang mga oras, minuto at segundo

Siya rin ay nakausap tumagal at natuto

Mas nasanay ako na siya ang kausap ko

Naging bukas din ako sa kanya katulad sayo.

Nakakausap kita at nakakausap ko rin siya 

Wala namang problema noong una

Pero nang unti-unting tumagal na

Naramdaman kong may nag-iba na.

Akala ko ay okay pa

Tama pa ba o mali na

Maraming siguro at maraming baka

Nagtuloy-tuloy lang sa isang akala.

Naisip ko na hindi na tama ito

Naisip ko na ikaw dapat at hindi ako

Kasi ikaw yung pinaka-kaibigan at hindi ako

Kaya pinilit kong umiwas, yan ang totoo.

Maraming beses na ako rin ay sumuko

Kasi ikaw dapat at hindi ako

Pero maraming beses din akong nabigo

Kasi ikaw yun dapat at hindi ako.

Pinilit ko namang pigilan

Pinilit ko namang iwasan

Pinilit ko din namang sukuan

Pinilit ko din namang ayawan.

Pinilit ko sya na ikaw dapat

Ginawa ko naman ang lahat

Pero ito ay kulang at hindi sapat

Hanggang sa hindi ko na maawat.

Dahil gusto ko ay okay kayo

Dahil gusto ko ay okay tayo

Pero di maiiwasan na may magbago

At ito ang pinaka-ayaw ko.

Ayokong nasasaktan ka 

Ayokong nalulungkot ka

Kasi ikaw yung masasabi kong tunay na kaibigan

Kasi ikaw yung nandun noong kailangan ko ng kaibigan.

Alam kong may mali ako

Alam kong may kasalanan ako

Dumadating yung lumuluha na ako

At nasabi mo pa sa akin na sasapakin mo.

Ang sama sama kong kaibigan

Kasi hindi ko na ito mapigilan

Kung ano-ano nang pumapasok sa aking isipan

Hindi ko maintindihan ang mga dahilan.

Hindi ko alam pero natatakot ako

At hindi ko alam ang gagawin ko

Masaya ako, hindi at oo

Hindi ko na alam ang totoo.

Nasasaktan ka ba?

Nasasaktan ba kita?

Hindi ko na alam ang aking ginagawa

Kasi hindi na tayo katulad ng dati na masaya

Pwede bang sabihin sa akin 

Kung ano ang dapat kong gawin?

Pwede bang ako ay kausapin?

Magsabi ka lang at aking gagawin.

Sana maging okay tayo

Kasi nasasaktan din ako

Sabihin mo sa akin ang totoo

Tatanggapin ko ng buong-buo.

Sabihin mo lang sa akin at ititigil ko

Sabihin mo lang at gagawin ko

Nahihirapan at nalulungkot din ako

Umiiyak na lang ako ng bigla kaya patawarin mo ako.

Siguro kadramahan ko lang ito

Pero hindi ko ito gagawin kung hindi totoo

Gusto ko lang magpakatotoo

Ewan ko pero nahihirapan ako.

Baka may mawala na naman sa akin ng bigla

Baka hindi ko na naman ito makaya

Kasi sa pagpatak ng bawat luha

Baka may pagkakaibigan na masira.

Ako man ay nahihiya

Siguro naman may pag-asa pa

Mabalik ang dating sigla

Ng mga ngiti mo tuwing makikta

Siguro hindi mo alam ang aking sinasabi

Pero pwedeng alam mo rin kasi

Hindi na kasi ako makapagdesisyon

Hinahayaan ko na lang ang panahon.

Sana maayos at okay ka lang

Kung ayaw mo na sa akin, okay lang

Nandito pa rin ako lagi

Pwede mong makausap at pwede rin namang hindi.

Hanggang dito na lang muna

O hanggang dito na

Sana mabasa mo kahit mahaba

Ito dinaan ko na lang sa tula.

May sasabihin ako, huli na

Paano ba tapusin ang isang relasyon? 

Pasensya na sa drama at problema

Hindi ko na kasi alam ang solusyon